புதுச்சேரி தொழில்நுட்பப் பல்கலைக்கழகம் (PTU) மற்றும் தேசிய மனநலப் பணி (NMHM), புதுச்சேரி பிரிவு ஆகியவற்றின் கூட்டு முயற்சியில், பள்ளி மாணவர்கள், கல்லூரி இளைஞர்கள் மற்றும் மூத்த குடிமக்களின் மனநலம் மற்றும் நினைவாற்றல் தொடர்பான பிரச்சினைகளை ஆரம்ப நிலையிலேயே கண்டறிந்து கண்காணிக்க Mindora Py, Peace, AlzPredict எனும் மூன்று தொழில்நுட்ப அடிப்படையிலான செயலிகள் உருவாக்கப்பட்டுள்ளன.Welcome to Vanakam Pudhuvai weekly newspaper
Mindora Py – 5 முதல் 18 வயது வரையிலான பள்ளி மாணவர்களின் கற்றல் சிரமங்களை ஆய்வு செய்து கண்காணிக்க உதவும் செயலி.
Peace – 18 முதல் 22 வயது வரையிலான கல்லூரி மாணவர்களின் மனநல நிலையை ஆய்வு செய்து தொடர்ந்து கண்காணிக்க உதவும் மொபைல் செயலி.
AlzPredict – 60 வயதுக்கு மேற்பட்ட மூத்த குடிமக்களிடம் அல்சைமர் நோயின் ஆரம்ப அறிகுறிகள் மற்றும் நினைவாற்றல் தொடர்பான மாற்றங்களை கண்டறிந்து கண்காணிக்க உதவும் வலை பயன்பாடு.
இந்த மூன்று செயலிகளும் எளிமையானவை, இலவசமானவை மற்றும் சந்தா கட்டணம் இன்றி பயன்படுத்தக்கூடிய வகையில் உருவாக்கப்பட்டுள்ளன. இதன் மூலம் குடும்பத்தினர், ஆசிரியர்கள் மற்றும் மருத்துவர்கள் தேவையான நேரத்தில் உரிய மருத்துவ ஆலோசனை மற்றும் தலையீட்டை மேற்கொள்ள உதவுகிறது.
2025–26 கல்வியாண்டில் PTU-வின் ECE மற்றும் IT துறைகளைச் சேர்ந்த சுமார் 14 B.Tech மாணவர்கள் இந்த மூன்று புதுமையான செயலிகளை உருவாக்கியுள்ளனர்.
இந்த முயற்சி Prof. Dr. K. ஜெயந்தி (ECE, PTU), Dr. பிரதீப் திலகன் (மனநலத் துறை, PIMS, புதுச்சேரி), Dr. பாலன் ஸ்டீபன் பொன்னுமணி (மனநலத் துறை, GH, புதுச்சேரி & நோடல் அதிகாரி, NMHM) ஆகியோரின் வழிகாட்டுதலின் கீழ் செயல்படுத்தப்பட்டது.
புதுச்சேரி முதலமைச்சர், சுகாதார மற்றும் குடும்ப நலத்துறை உயர் அதிகாரிகள், NMHM இயக்குநர், PTU துணைவேந்தர் மற்றும் பதிவாளர் உள்ளிட்டோர் முன்னிலையில் மூன்று செயலிகளும் அதிகாரப்பூர்வமாக அறிமுகப்படுத்தப்பட்டன.
மேலும், இத்திட்டத்தில் பங்கேற்ற 14 மாணவர்களுக்கு முதலமைச்சரால் பாராட்டுச் சான்றிதழ்கள் வழங்கப்பட்டன. வழிகாட்டிகளான Prof. Dr. K. ஜெயந்தி மற்றும் Dr. பிரதீப் திலகன் ஆகியோரும் பாராட்டுச் சான்றிதழ்களால் கௌரவிக்கப்பட்டனர்.
இன்றுமுதல் Mindora Py, Peace மற்றும் AlzPredict ஆகிய செயலிகள் பள்ளி மாணவர்கள், இளைஞர்கள் மற்றும் மூத்த குடிமக்களின் நலனுக்காக செயல்படுத்தப்படுகின்றன.
பங்களிப்பாளர்கள்:
PTU B.Tech (ECE & IT) மாணவர்கள் – 2025–26 கல்வியாண்டு
வழிகாட்டிகள்:
Prof. Dr. K. ஜெயந்தி – PTU
Dr. பாலன் ஸ்டீபன் பொன்னுமணி – NMHM
Dr. பிரதீப் திலகன் – PIMS, புதுச்சேரி
